A Serra de Forgoselo e o fito natural máis sobranceiro do Concello de San Sadurniño. Unha altiplanicie de arredor de 500 metros de altitude media. Son pequenos outeiros salpicados de grandes penedos ou bloques de pedra granítica de máis de 300 millóns de anos de antigüidade. Estes batolitos graníticos chamados “bolos” adoptan formas curiosas, auténticos caprichos da Natureza e a erosión, como por exemplo a “Pena dos tres pés”. Os bolos orixináronse a partir de enormes bulsas de magma no interior da terra que, co tempo, derivaron en grandes bloques de pedra. Posteriormente, os movementos tectónicos trouxéronos ate a superficie y finalmente, a progresiva erosión das rochas sedimentarias deron como resultado estes penedos redondeados de gran tamaño que salpican o territorio do Forgoselo. O teito do Forgoselo está no Pico de Racamonde (540 m), ubicado na Parroquia de Naraío. Tamén a vexetación resulta peculiar. As charcas, brañas e «turbeiras» son as protagonistas desta altiplanicie de chans moi húmidos nas que non abundan as árbores, entre pastos, veigas, toxos ou queirugas nun clima hostil, con abondosas precipitacións néboas e baixas temperaturas. Hai xente que chama a este áspero territorio a “Escocia Ferrolana”. Nas montañas criase gando salvaxe, vacas e cabalos ceibes. Celébrase un curro anual coa rapa das bestas.