Nesta sección agrúpanse novas, historias ou iniciativas que afectan a todo o territorio do Concello de San Sadurniño e as súas sete parroquias. Durante o Antigo Réxime as parroquias que forman o concello pertenceron á xurisdición de Cedeira ( señorío do Conde de Lemos) e á de San Sadurniño (señorío do Marqués de San Sadurniño). En 1812, debido á proclamación da Constitución que supoñía a abolición do réxime señorial e a substitución por unha administración municipal, creáronse os concellos de San Sadurniño e Naraío. Tras da derogación desta Constitución por Fernando VII en 1823 produce a restauración do réxime señorial e polo tanto a supresión destes concellos. Finalmente en 1835 produciuse a definitiva recuperación do municipalismo coa formación do concello de San Sadurniño.