Naraío con 22 kilómetros cadrados é a parroquia mais grande do Concello de San Sadurniño e nela viven 608 habitantes distribuidos en 35 núcleos de poboación. Naraío xa aparece citado en documentos altomedievais do ano 868 ; homes e mulleres da parroquia viviron intensamente vencellados ao devalar do seu imponente castelo, as beiras do Río Castro, propiedade da Casa de Alba. Dende o século XII, a parroquia de Naraío foi xurisdición independente -xunto con Igrexafeita, Ferreira e parte de Lamas- dependendo dos Condes de Andrade e logo de Lemos. En 1812, debido á proclamación da Constitución que supoñía a abolición do réxime señorial , creáronse os concellos de San Sadurniño e Naraío que foron suprimidos coa restauración señorial de Fernando VII en 1823. O fermoso río Castro atravesa a parroquia de leste a oeste. Naraío tamén é unha parroquia de gran tradición migratoria, nomeadamente a Cuba. As súas festas mais salientabeis son Festa de San Roque, Santa Mariña, e o Festival do río Castro>. Toponimia de Naraío.