A parroquia de Igrexafeita, nacida como parroquia independente a fins do século XIX, ubícase ao sudoeste do Concello de San Sadurniño; os seus 250 habitantes viven nunha superficie de case 19 kilómetros cadrados en habitat dispersos, agrupados en 35 núcleos de poboación. Igrexafeita destaca pola beleza natural marcada pola acción milenaria das augas do Río Castro, que surca toda a parroquia de leste a oeste. Franqueada pola imponente Serra de Forgoselo abunda a cuarcita que ten na Pena do Rei Mouro un dos meirandes conglomerados de seixo de toda Galiza. Igrexafeita tamén é unha parroquia de gran tradición migratoria, nomeadamente a Cuba. As súas festas mais salientabeis son a Festa do Biscordel e a xa desaparecida Festa do San Marcos. Toponimia de Igrexafeita