O soldado Soto Meizoso na Guerra de África

Pielas, Naraío, 1922

Manuel Soto Meizoso naceu o 5 de maio de 1900 en Pielas (Naraío). Era fillo dunha familia labrega formada por José Soto e Carmen Bouza. Aos 16 anos foise co seu pai a Cuba onde contruía gabias nas ciénagas para fabricar carbón que logo vendían na Habana. Aos 20 anos retornou para facer o servizo militar e tocoulle como destino África. Mais en 1921 o Desastre do Annual reactivou a Guerra con Marruecos e Manuel, como tantos mozos do seu tempo, viuse obrigado a participar nunha guerra impopular que levaría á tumba a un bo fato de mozos españois. Manuel Soto Meizoso tivo sorte. Enrolado no corpo de Enxeneiros, converteuse no asistente persoal e coidador dos cabalos do mesmísimo xeneral Millán Astray cofundador da "Legión española" con Francisco Franco. O prestixioso historiador e hispanista Sebastián Balfour entrevistouno en 1998 para o seu documentado ensaio: "Abrazo mortal", de la Guerra colonial a la Guerra civil en España y Marruecos".
O soldado Soto Meizoso volveu a Naraío, casou en 1925 e vivirá en Pielas, falecendo en Fene no 1999 aos 99 anos.
Sofía González Soto, alumna de 2º de bacharelato do IES "Concepción Arenal" de Ferrol, entrevistou a Manuel Soto Bouza, xenro do Manuel, co gallo dun traballo para a materia "Historia de España", onde se relatan algunhas aventuras do soldado Soto Meizoso.

Na fotografía, Manuel Soto Meizoso en Ceuta.