"Festa da familia"

Currás, San Sadurniño, 2002

No verán do 2002 o Concello presidido por Constantino Bedoya (PP) comezou a celebrar a "Festa da familia", na primeira fin de semana do mes de agosto tras da desaparición da "Feira do Cabalo". A Festa consistía en invitar a todas as familias do concello a un xantar gratuíto para potenciar a convivencia entre veciños e veciñas. O xantar facíase en base a produtos típicos, normalmente.empanada, polbo, carne ó caldeiro con patacas e chourizo, lambetadas e diversas bebidas. Comezou celebrándose nas beiras do Xuvia, mais pasou a facerse no complexo lúdico-deportivo de Currás no campo de fútbol e a piscina municipal. O Concello asumía os custes do evento (arredor de 12.000 euros). Na edición do 2004, xuntáronse arredor de 1.300 persoas; segundo indicaba o alcalde Constantino Bedoya: "Es una ocasión para que vecinos que coinciden muy pocas veces puedan encontrarse y dedicar unas horas a charlar con calma. Además, en vez de invitar sólo a la tercera edad, como hacen en otros lugares, nosotros queremos que vengan abuelos, hijos y nietos". A derradeira edición foi no ano 2006, despois das eleccións municipais do 2007 que outorgaron a alcaldía a Secundino García Casal (BNG).
Na portada fotografía da edición do 2006