Feira da plantación de San Sadurniño

O Casal, San Sadurniño, 1996

A historia da "Feira da Plantación" comeza no 1996. Ese ano, a Asociación Cultural "Bidueiro" decide facer unha actividade para conmemorar o Día da árbore. Así xurde a "1ª Mostra de árbores, plantas e xardinería". Nesa ocasión celebrouse na Praza do Concello o 12 de maio. Dado o éxito acadado orgaizouse a II Mostra no mesmo lugar que o ano anterior. No ano 1998 deuselle por vez primeira o nome de "Feira da plantación" que continuará ata a actualidade, celebrándose habitualmente o último domingo de abril.
A "Feira da plantación" é unha orixinal exaltación do agromar da natureza. Nela teñen cabida todo tipo de plantas, árbores ou flores que ateigan a carpa da feira, enchendo de cores e arumes o ar da primavera.
O evento acada unha gran acollida por un público fiel e amante da natureza procedente de moitos lugares de Ferrolterra.

Mari Carmen García Pérez fálanos da historia da feira.


Axuntamos a colección case completa das revistas editadas co gallo da Feira da plantación. Polo momento podes descargar as editadas na VII edición (2002), VIII (2003), IX (2004): X (2005), XII (2007), XIII (2008), XIV (2009), XV (2010), XVI (2011) e XVII (2012) con mais información sobre esta singular iniciativa, agora realizada polo Concello de San Sadurniño.