"Donativos" para a Guerra

San Sadurniño, 1936

En Galicia trunfou deseguida o golpe militar e polo tanto a poboación civil galega non sufriu as consecuencias directas da Guerra Civil como noutros territorios preto da fronte. Mais dende os primeiros momentos, o exército sublevado organizou un sistema de requisas obrigatorias casa por casa ou donativos "voluntarios" para contribuir ao esforzo bélico da "Gloriosa Cruzada". Normalmente as "doazóns" xestionábanse dende o concello presidido por Pelayo Casal ou polo párroco Daniel Porto. As listaxes de donantes aparecían diariamente nos xornais para xustificar a lealdade ao novo réxime. En imaxes adxuntas podes ver algunhas das recadacións nas sete parroquias de San Sadurniño
Na ilustración, recadación en outubro de 1936