Doazón de Randulfe ao mosteiro do Pedroso

Randulfe, Bardaos, 1246

O 3 de marzo de 1246, catro irmáns que afirman ser fillos de Maior Diéguez, chamados Juan, Elvira, Urraca Froila e Urraca Fernández doan ao Prior do mosteiro do Pedroso, Domingo Pérez, a oitava parte das terras do Vilar de Randulfe en Bardaos. Non é exactamente unha doazón, pois reciben 35 soldos do Reino de León a cambio. Sinala Enrique Cal Pardo, o historiador do Pedroso, que a doazón debeu ser importante polo elevado número de confirmantes que figuran no documento de venda-doazón. Probablemente nos terreos donados se ubique o solar sobre o que foi edificada a igrexa de Santa María de Bardaos como anexa á parroquial de Santa Mariña do Monte