patrimonio
Monumentos, igrexas, edificios, patrimonio inmaterial e pezas singulares -grandes e pequenas- de San Sadurniño: castelo de Naraio, castros, convento do Rosario, creador@s, cronoloxía histórica, cruceiros, fontes, igrexas parroquiais, pequenas capelas, lendas, megalitismo , muíños, pazo da marquesa, visitantes senlleiros,
Cruceiro de Raña
Raña, San Sadurniño, 1915
Ao carón do Camiño Real que conducía ao “Pazo de San Sadurniño”, situase este pouco coñecido cruceiro feito con pedra serpentina de Moeche. Foi encargado por un caseiro da Marquesa, chamado José Fraga Lago, que en 1862 pagaba 550 reais por ano polo aluguer dunha casa e finca na Raña. En 1887 era un perito recoñecido no Concello e sabemos que aínda vivía en San Sadurniño á altura de 1910, mais tivo que marcharse a Camba, na parroquia de Ferreira ao domicilio da familia da súa muller Dominga Novo Fernández, por non poder pagarlle as rendas á Marquesa. Era fillo de José e Catalina, e tiveron un fillo en 1871 Francisco Fraga Novo (1871-1937). A inscrición di: "A la devoción de José Fraga". Descoñecemos os motivos polos que mandou facer o cruceiro, posiblemente construído por Antonio Rodríguez Sixto. Calculamos que data da década de 1920. Se alguén ten algunha información complementaria, por favor póñase en contacto connosco ou deixe un comentario mais abaixo.
