Cooperativa "Nuestra Señora de la Esperanza"

Corripa, Santa Mariña do Monte, 1974

A comezos dos anos setenta do século XX, cinco labregos de Santa Mariña do Monte montaron unha pioneira cooperativa agrogandeira, orientada á produción de carne e leite, que aínda hoxe segue en funcionamento. Na súa posta en marcha tivo moito que ver o párroco de San Sadurniño daquela, Ramón Díaz Raña. Neste texto, Ramón debulla nas orixes do proxecto da Cooperativa:

"Ao pouco de empezar os traballos na finca do Carveiral, comezamos a xuntármonos na miña casa un grupo de labregos da parroquia para ver de montar unha cooperativa unindo as súas fincas. A Concentración Parcelaria seguía para adiante o que favorecería o traballo e aceso ás fincas. Iso daba un pulo máis para ollar a iniciativa con posibilidades de futuro. Despois de moitas voltas e revoltas déuselle para adiante ao proxecto e creouse a “Cooperativa de Explotación Comunitaria Ntra. Señora de la Esperanza”, con cinco socios que aportaban un número considerable de ferrados de terreo. Eu non tiña fincas na Cooperativa pero considereime e consideráronme sempre como membro da familia. Vivín moi de preto todos os seus avatares"... Continuar lendo a historia completa.

Tamén podes ver un clip da serie documental "Galicia enteira" producida pola TVG no 2005. Nel fala o cooperativista xa falecido, Arturo Calvo.