Chegada do tren á estación de San Sadurniño

Silvalonga, San Sadurniño, 1962

Despois de 76 anos de retraso dende a aprobación do proxecto inicial, impulsado polo VI Marqués de San Sadurniño, ao fin o tren de FEVE atravesa o val de San Sadurniño arredor das 13'00 horas do luns, 29 de xaneiro de 1962 procedente de Ponte Mera. O traxecto foi inaugurado polo Ministro de Obras Públicas Jorge Vigón e o bispo da diócese Jacinto Argaya Goicoechea.
A estación de Silvalonga apareceu ateigada pola veciñanza baixo do Víctor franquista e unha pancarta cun saúdo ao Ministro "agradeciendo la mejora". O alcalde daquela Francisco Dorado Victorio, será o primeiro veciño que suba a un tren na estación de San Sadurniño entre o entusiasmo xeralizado.
Mais o traxecto definitivo ata Gijón non se inaugurará ata dez anos mais tarde en 1972.
A cineasta Angeles Huerta utiliza esta localización na súa peza "Próxima estación, San Sadurniño" (3º Chanfainalab), Ana Domínguez en "Brío" (2º Chanfainalab) e Ana Pontón en "Nós mesmas" (4º Chanfainalab)

Descarga os documentos coa crónica da inauguración do tramo Ferrol-Ponte Mera. Na fotografía,inauguración do tren en San Sadurniño por cortesía de Víctor Manuel Rico, "Vitucho"