"Chanfaina'lab. Epílogo"

San Sadurniño, 2015

Chanfaina'Lab (19) Estrea venres, 5 de xuño do 2015
Título: Exhibición curtametraxes Chanfaina'lab
Directora: Ary López
Duración: 7' 27''.
Sinopse: Balance visual da estrea dos filmes da Chanfaina'lab coa participación de público e creador@s .
Gravado en San Sadurniño o 17 de xaneiro do 2015 dentro do programa da Chanfaina' Lab.

A xornalista e comunicadora de San Sadurniño Ary López participou na Chanfaina'lab coa gravación dunha reportaxe realizada no mesmo día da estrea das pezas participantes. Nela preténdese facer un pequeno balance visual coas intervencións dalgúns dos seus protagonistas, así como o público asistente á estrea na Casa da Cultura de San Sadurniño.
Nos títulos de crédito finais figuran tod@s @s participantes e colaborador@s desta experiencia singular.
Así valoraron os/as creador@s a experiencia da Chanfaina'lab:


Os filmes producidos na Chanfaina'lab xa comezaron a súa andaina. Alguns deles proxectáronse no CGAI (Centro galego das artes da imaxe); Ateneo de Ferrol, Museo do pobo Galego (Santiago); Festival S8 (Coruña); Festival Primavera do Cine de Vigo ; Festival de Cinema d'Autor de Barcelona; Festival Lupadoc en San Sebastián ou no ciclo "Emerxencias" en Vigo.
O encontro de cineastas tivo unha especial relevancia en diversos medios estatais (El País, ABC), galegos (Diario de Ferrol, La Voz de Galicia, Sermos Galicia, Galicia hoxe, El Correo Gallego, Noticieiro galego.com, Televisión de Galicia, Radiofusión, Radio Galega) e locais (Ferrol 360º, Galicia Ártabra Digital, Concello de San Sadurniño), así como nas plataformas do sector audiovisual galego: Academia Galega do Audiovisual, Arquivos CREA, CREA, Consello da Cultura Galega, Agapi ou o MPXA. Asemade varios blogs e redes sociais fixéronse eco do evento como Compostimes, Ollaparo, Infogauda, Llave en mano e un longo etcétera.