Castro de Rupiallo

Rupiallo, San Sadurniño, 1

O castro de Rupiallo -tamén chamado a Croa-, forma parte dun complexo sistema defensivo da Idade do Ferro, composto por cinco castros que protexen e controlan o Val do Xuvia dende unha altura similar. Tres deles están situados nas ladeiras do Monte Rapadoiro: San Sadurniño, Riboira e Redo, franqueados no suroeste polo Castro Rupiallo, e no sureste polo Castro das Croas de Ramil. Ao norte conta co apoio defensivo dos castros de Bardaos, Escoitadoira e Castrelo xa en Santa Mariña do Monte.(Esquema e mapa en documentos).
O Castro de Rupiallo (de Rupi, lugar rochoso), ubícase na entrada do Val de San Sadurniño preto dun pequeno paso de montaña (A Portela). O castro aínda mantén un aceptábel estado de conservación na súa Croa, podéndose apreciar perfectamente a muralla perimetral e a entrada principal que comunica directamente coa Capela da Portela ao carón dunfa fermosa fonte. A súa situación estratéxica, entre dous vales, facilítalle un control moi eficiente das terras do actual concello de San Sadurniño.
Na fotografía castro de Rupiallo dende Piñeiros.