Carlos García Romero e a maxia na pedra

Agra de Arriba, San Sadurniño, 2014

Carlos García Romero é un dos artistas de San Sadurniño máis coñecidos en Ferrolterra, onde é moi apreciado o seu traballo como decorador e artista en numerosos locais comerciais ou pezas escultóricas de diversa índole. Por medio da marca 2 Duendes, Carlos García e Marina Goti decoraron locais, pintaron murais, tallaron madeira ou poliespán, persoalizaron vehículos, e un sinfín de obras moi variadas que acreditan o seu talento artístico.
Podemos recoñecer algunhas das súas pegadas en San Sadurniño a través de colaboracións na revista Saturnal; na imaxe da Virxe de Belen, as pinturas da Biblioteca Municipal, os enormes murais da remodelada "Area recreativa de Currás", o Barco pirata do Mesón "A Granxa", a escultura do Guardián do bosque, a de Pinocho ou a imaxe da patrona Santa Isabel. Despois de amosar o seu pulo creador con soportes e materiais de todo tipo, dende o 2015 Carlos topou na escultura en pedra unha nova fonte de inspiración para desenvolver a súa creatividade artística, como "A marquesa" fronte ao café Atrium ou a deusa Navia ao carón do Xubia.

Nesta falada, Carlos debulla sobre a súa arte, a obra realizada e o proxecto artístico e vital para o futuro.