As pinturas de Igrexafeita

Torre, Igrexafeita, 1490

A Igrexa parroquial de Igrexafeita probablemente edificouse sobre dun santuario precristián. Aínda fican restos do seus tempos como edificio altomedieval e románico. Como marcaba a tradición, durante o século XV a igrexa pintouse por enteiro con frescos alusivos á Asunción da Virxe que se ían renovando cada pouco. Mais cara finais do século XVI, as pinturas das igrexas cubríronse con cal porque críase que transmitían a peste. Os frescos de Igrexafeita agocháronse tras dun retablo barroco que ao parecer fora realizado polo artista local Juan Pardo de Lamas no 1755. Aí estivera ata que no ano 2002 o párroco José María Ladra descubriu que detrás do retablo achábase un verdadeiro tesouro pois aínda estaban alí as pinturas medievais, que os expertos dataron nos séculos XV e XVI. No ano 2007 realizouse unha primeira restauración a cargo da investigadora María Gavín.
Neste audio, María, restauradora natural de San Sadurniño, cóntanos a historia das pinturas e o proceso de restauración desta auténtica marabilla, aínda descoñecida para moitos veciños e veciñas de San Sadurniño. O cartaz da 2º Chanfainalab inspirouse nesta fermosa obra medieval..