San Sadurniño é un paraíso natural. Os miradoiros naturais da Serra de Forgoselo , brava área natural protexida pola Rede Natura 2000; A pena do Rei Mouro, un dos meirandes conglomerados de seixo de Galicia; O Coto Agudo cun absoluto control visual de toda a contorna; o Pico San Vicente, onde se mesturan lenda e historia; os paseos fluviais do Río Xuvia e o río Aceiteiro con máis de 4 km ás beiras do río; O río Castro que destaca polo seu valor natural, ecolóxico e paisaxístico considerado como Lugar de Interese Comunitario; As paisaxes megalíticas, as áreas recreativas das sete parroquias, as máis das 100 fontes do Concello, o arboreto ou a horta de conservación de froitas autóctonas conforman un Concello cun extraordinario patrimonio natural e paisaxístico.
Lamas, 2002
No mes de maio de 2015 a aula Cemit impartiu en Lamas un curso de "Fotografía dixital" no que as alumnas e alumnos percorreron a parroquia para fotografiar e dar a coñecer lugares con valor ou encanto especial. Éstas son as fotos quitadas polas persoas participantes neste curso da fermosa área recreativa.
A área recreativa de Lamas é unha zona de lecer ao carón do río Xuvia inaugurada no ano 2002 polo alcalde Constantino Bedoya.
Fálannos deste lugar: Carmen Bouza Muiño, Mercedes Durán Teijeiro, Carmen Couce Picos, Carmen González Piñón e Pura González Piñón .