"Ao patadón"

Bidueira, San Sadurniño, 2015

Chanfaina'Lab (4) Estrea venres, 13 de febreiro do 2015
Título: Ao patadón
Actores: Icía Fernández Breijo, Jorge Mera Hermida
Produción: Bárbara Primo, Beatriz Lema
Director: Xurxo Chirro
Duración: 2'13''.
Sinopse: Unha nena e un neno lembran o antigo campo de fútbol da Bidueda xogando "ao patadón", (xogar ao fútbol sen técnica, adaptándose ao terreo).
Gravado en San Sadurniño na chuviosa tarde do 7 de setembro do 2014 dentro do programa do Chanfaina' Lab.

O crítico e historiador Xurxo Chirro acadou sona como un dos cineastas galegos mais sobranceiros dos últimos anos, con obras de referencia como a multipremiada Vikingland. O autor guardés amósase especialmente interesado pola recuperación da memoria social e colectiva, -tema moi presente en toda a súa obra-. En "Ao patadón" revive un dos espazos relembrados por moitos veciños e veciñas de San Sadurniño: o mítico campo de fútbol da Bidueda, inaugurado no ano 1946. A peza "foi ideada no mantel do xantar da Chanfaina e gravada no postre", cunhas leves indicacións aos actores Icía e Jorge, na procura da nostalxia compartida. Do mesmo autor veremos proximamente outros dous filmes realizados para a Chanfaina'lab: "Cartas de Conquista" e "Teleclube".