“Aí teñen o Carveiral”

O Carveiral, Santa Mariña do Monte, 1971

E xa que estamos de aniversario, non podíamos celebralo mellor que cunha nova historia -a nº 21- escrita por Ramón Díaz Raña, un inquedo crego que deixou fonda pegada en San Sadurniño nos anos do final do franquismo e a transición. Si tedes curiosidade por lelas -e de paso gozar dun rato ben divertido- percibiredes de seguida a súa xenerosidade, bonhomía e as moitas iniciativas que deixaron un ronsel permanente, aínda hoxe vivo, entre as xentes e terras de San Sadurniño. Como xa dixemos noutras ocasións "Ramón era coma un faro que iluminaba a todos".
Hoxe achéganos a historia completa dunha iniciativa agrogandeira pioneira, orientada á produción de carne e leite na parroquia de Santa Mariña do Monte. O relato comeza así:

“Aí teñen o Carveiral”. Como o retrouso dun coro ben ensaiado saíu esta expresión de case todos os reunidos. Estabamos na Golpilleira co noso querido D. Manuel Domínguez. Entre outros asuntos infórmanos que un grupo de empresarios gandeiros da provincia buscan un monte con extensión abondo para establecer unha explotación “válida para los nuevos tiempos”. A resposta dos reunidos foi unánime: “ Aí teñen o Carveiral”. Deu a impresión como que esperabamos a pregunta e tíñamos preparada a resposta....
Seguir lendo a historia completa....