O século XIV foi confilctivo e moi inestable; disólvese a Orde templaria e a pequena nobreza encomendeira, adventicia e ruín irase apoderando paseniñamente das terras e labregos dos Coutos do Pedroso, Xuvia e San Sadurniño mediante o sistema do “aforamento perpetuo”. A mediados da centuria agroma unha cobizosa dinastía, Os Andrade, que deixarán un ronsel sombrío e tenebroso nos séculos vindeiros entre as xentes do Val de San Sadurniño, dende a súa posesión mais prezada: o castelo de Naraío.