Premio Mellor iniciativa Europea Acting - Ginebra 2015 Premio Mellor webserie VO Galego - Carballo Interplay 2017 Mellor vídeo opinarmos - Premio Youtubeir@s 2017 Mellor iniciativa cultural dirixida a persoas maiores - Premio Fundación DomusVi Boas prácticas na xestión cultural - Asociación Galega de Profesionais da Xestión Cultural (AGPXC) Premio Rodolfo Prada á xestión cultural 2018

mirada propia

Creacións audiovisuais, literarias ou artísticas realizadas por autores naturais ou residentes en San Sadurniño: creador@s, escultura, Revista Pumariño, músicos, pintura, poesía, teatro

"A casa soñada"

Naraío, 2019

6ª Chanfaina'Lab (2). Estrea venres, 28 de febreiro do 2020
Dirección e guión: Eloy Arnosa
Cámara e montaxe: Ángela Arnosa
Son: Catalina Rodríguez .
Actores:Kevin Lorenzo , Eloy Arnosa, Carmen Bouza, Martín Prieto, Abel Vega e...Lina .
Sinopse: "Os xemelgos Rodeiro axudan á veciñanza na elección e transformación da casa dos seus soños. Parodia de “Property Brothers”
Duración: 10' 12”
Filmada en Naraío durante a fin de semana do 6 ao 8 de setembro do 2019 dentro do programa da 6ª Chanfainalab


Eloy Arnosa (Naraío, San Sadurniño 1999). Eloy é un mozo inquedo que está a estudar o segundo curso de Enxeñaría da Enerxía na Universidade de Vigo. Non ten ningunha peza realizada no eido audiovisual, mais manexa varias ideas que lle gustaría levar á práctica algún día. Esta é a primeira vez que participa na Chanfainalab e o seu obxectivo básico foi experimentar e probar si era capaz de levar adiante un proxecto audiovisual. De feito, a mente analítica deste mozo de 21 anos xa anda argallando o que vai facer na vindeira Chanfainalab.

A Eloy picoulle o interese pola Chanfainalab o ano pasado. Dubidaba si sería capaz de participar e gravar algunha peza como estaba a facer a súa irmá Ángela Arnosa. De modo que, despois de darlle moitas voltas á varias ideas, durante o verán en Naraío optou por facer unha parodia dun programa que vía de cando en vez nas tardes de lecer: "A idea era facer unha adaptación (con certo estilo absurdo) do programa “Property Brothers” en San Sadurniño, para mostrar, con humor, cómo sería ese programa levado ao noso territorio". Así chegou a idear unha versión moi persoal de "A Casa Soñada" que é "simplemente unha parodia sobre os docu-realitys na que se mostra unha versión que non coincide para nada cos luxos e grandes obras que fan orixinalmente na TV. Así, tamén se da a entender que a maioría da xente non ten suficientes recursos e cartos como para comprar grandes casas nin unha capacidade tan grande de inversión e que ten que ir ao “barato”.

Así pois en "A casa soñada" debemos deixarnos atrapar polo sentido do humor que debulla o guión, arroupado polas hilarantes interpretacións de actores profesionais como Kevin Lorenzo, mais tamén por grandes interpretes locais -moi coñecidos polo público de Sansa- como Carmen Bouza ou Abel Vega e os "actores revelación" Martín Prieto e o mesmísimo Eloy Arnosa que debuta con total solvencia. Do mesmo xeito o novel director acadou a colaboración técnica de chanfaineiros veteranos como a adolescente Catalina Rodríguez (sonidista) e Ángela Arnosa (cámara e montaxe). Como ben afirma o propio director e guionista: " O obxectivo inicial, máis que ningún outro, era o entretemento. Tan só pasalo ben e gozar durante dez minutos desta peza, que amosa momentos divertidos, pero que tamén pode facer pensar sobre o inalcanzable que son a compra e reforma de casas na realidade, aínda que o vexamos de maneira cotiá.".
Pois diso se trata hoxe, de pasar un rato divertido ateigado de retranca e coa presenza de xente moi querida en Sansa e tamén no equipo de cociña da Chanfainalab. Felicitamos a Eloy polo seu debut no que apunta maneiras para que na Chanfaina do ano que ven siga a demostrarnos que a expresión audiovisual é -sobre todo- a vontade de contar sen complexo algún o que bule na cabeza d@ creador/a. Agardamos xa con impaciencia a súa peza da 7º chanfainalab.
Fotografías de Cesar Galdo.

  • "A casa soñada"

  • Angela, Kevin e Eloy Arnosa

  • Eloy na foto oficial da 6º chanfainalab

  • Eloy -ao fondo- na recepción no Pazo do Concello

  • Eloy na prantación da árbore da 6º Chanfainalab

  • Eloy e o mocerío de Naraio e Santa Mariña no Paseo do río Xuvia

  • Eloy e Angela na Eira de cineastas

  • Eloy nas presentacións de "Eira de cineastas"

  • Os irmáns Rodeiro en acción

  • No procura dunha vivenda digna

  • A sonidista en acción

  • A casa no Forgoselo

  • Na procura da casa soñada

  • Eloy, Kevin e Angela entrando na Casa de Cultura

  • Eloy na premiere mundial da 6º chanfainalab

  • Eloy no xantar da Chanfaina

  • Eloy presentando "A casa soñada"

load

Comentarios

Máis imaxes

Temas: Horta de Maruxa, vídeos, Naraío, Chanfaina'Lab

Autor/a: Eloy Arnosa

Compartir en: